თბილისის საქალაქო სასამართლოში ყოფილი მეუღლის, ნეკა დოროყაშვილის მიმართ განხორციელებულ ძალადობაში ბრალდებული ჩოგბურთელის, ნიკოლოზ ბასილაშვილის სასამართლო პროცესი გაიმართა.
დღევანდელ პროცესზე მოწმის სახით ბასილაშვილის ყოფილი მეუღლე, ნეკა დოროყაშვილი დაიკითხა.
სასამართლო პროცესზე გამოკვლეულ იქნა ნელი დოროყაშვილის მიერ დამზადებული აუდიო ჩანაწერი, სადაც ის ნიკოლოზ ბასილაშვილს ესაუბრება.
საუბრის მიმდინარეობისას ნეკა დოროყაშვილი ფოტომოდელ თამო ვაშალომიძეს შეურაცხმყოფელი სიტყვით მოიხსენიებს.
„პრაიმტაიმი“ კომენტარისთვის თამო ვაშალომიძეს დაუკავშირდა, იგი ნეკა დოროყაშვილს ცილისწამებაში ადანაშაულებს.
„ეს მართლა თქვა? შოკში ვარ, პირი დამრჩა ღია. მე ქმარი მყავს, ორი შვილი, ოჯახი მაქვს. ცილისწამების გამო ღირსია ვუჩივლო.
მე ამ გოგოსთან არანაირი შეხება არ მქონია, არც მის ქმართან. არც ერთს არ ვიცნობ, ინტერნეტსივრცეშიც კი არ მქონია არანაირი შეხება. ტელევიზიიდან ვიცი ინფორმაცია. როგორც ვატყობ ეს გოგო არაადეკვატურია, მე რა შუაში ვარ საერთოდ… როგორ ბედავს, რომ ჩემს სახელს ახსენებს. ამ თემაზე გავივლი კონსულტაციას ჩემს ადვოკატთან, ქმარი მყავს სამი წელიწადია, ორი შვილი მყავს, ვცხოვრობ ჩემი ცხოვრებით, არავის არ ვეხები. იმედია ჩემს ქმრამდე არ მივა ეს ამბავი, თორემ, მერე ნახოს, მაგ გოგომ რეალური ძალადობა რა არის“, – ამბობს მოდელი.
ბასილაშვილის ადვოკატების კითხვაზე, თუ რატომ აკეთებდა წლების მანძილზე ვიდეო და აუდიო ჩანაწერებს ნელი დოროყაშვილმა განმარტა, რომ ჩანაწერებს იმ მიზნით აკეთებდა, რომ თუ დასჭირდებოდა პოლიციისთვის წარედგინა…
აღსანიშნავია, რომ ჩანაწერები რამდენიმე წლის წინ არის გაკეთებული და ნელი დოროყაშვილმა მისის მეუღლის წინააღმდეგ მხოლოდ ახლა გამოიყენა…“, – პრაიმტაიმი