პირველი საუნივერსიტეტო კლინიკის დირექტორი, ლევან რატიანი გახანგრძლივებული კოვიდის სიმპტომებს ასახელებს:
"უკვე რამდენიმე თვეა შემოიღეს გახანგრძლივებული კოვიდის ცნება. ეს ცნება მოიცავს სხვადასხვა პოსტ-კოვიდურ გართულებებს.
კოვიდინფიცირებულთა 80 %-ში გვხვდება გახანგრძლივებული კოვიდი.
გახანგრძლივებული კოვიდის სიმპტომებია: საერთო სისუსტე, დაღლილობა, ძილის დარღვევა, ყნოსვის და გემოს დაქვეითება, სახსრების ტკივილი, მსუბუქი ქოშინი, კოგნიტური დარღვევები, დეპრესია", - განაცხადა ლევან რატიანმა "რუსთავი 2-ის" გადაცემაში "ექიმები".
ცნობისთვის, ბოლო 24 საათში, საქართველოში კორონავირუსით ინფიცირების 3 270 ახალი შემთხვევა დადასტურდა.
გარდაიცვალა 26 პაციენტი. გამოჯანმრთელდა 1 298 ადამიანი.