დახურვა
სტილი
01.12.2021

უვადო “მწვანე პასპორტთან” დაკავშირებით, იმუნიზაციის ტექნიკურ მრჩეველთა ჯგუფს რეკომენდაცია ექნება – იდეა გადაიხედოს და  პასპორტის ვადა 6 თვემდე შემცირდეს.

ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ განაცხადა. 

“იმუნიზაციის ტექნიკურ მრჩეველთა ეროვნულ ჯგუფს ექნება რეკომენდაცია, რომ გადაიხედოს კორონავირუსის გადატანის შემდგომ უვადო “მწვანე პასპორტის” იდეა და ეს იყოს შემცირებული 6 თვემდე. ვთვლით, რომ 6-თვიანი პერიოდი ეს არის ის, რაც ახლა სჭირდება საქართველოს.” – განაცხადა ივანე ჩხაიძემ.

ქვეყანაში ორი კოვიდპასპორტის შესაძლო მოქმედებას ეხმიანება ინფექციური პათოლოგიისა და შიდსის ცენტრის გენერალური დირექტორი თენგიზ ცერცვაძეც და აცხადებს, რომ საკოორდინაციო საბჭოს ძალიან სერიოზული შეცდომაა, ყველა კოვიდგადატანილს თანაბრად რომ აძლევს “მწვანე პასპორტს”,  რადგან კოვიდის გადატანიდან იმუნიტეტი 6 თვე გრძელდება:

“ალბათ იქნება კითხვა, თუ როგორ ვუყურებ იმას, რომ ყველა კოვიდგადატანილს “მწვანე პასპორტი” ეძლევა. ეს საკოორდინაციო საბჭოს ძალიან სერიოზული შეცდომაა, რომ ყველა კოვიდგადატანილს თანაბრად აძლევს “მწვანე პასპორტს”, რადგან კოვიდის გადატანიდან იმუნიტეტი 6 თვე გრძელდება.

მათ, ვითაც კოვიდი ბოლო 6 თვეში აქვს გადატანილი, მათ უნდა მიეცეთ “მწვანე პასპორტი”, ასეა სხვა ქვეყნებში. საქართველოს ექნება ორი კოვიდპასპორტი, ერთი უცხოელებისთვის, სადაც ბოლო 6 თვის კოვიდი ჩაითვლება და მეორე, შიდა მოხმარებისთვის, სადაც ყველა კოვიდგადატანილი ჩაითვლება, ეს სწორი არ არის და იმედი მაქვს, ამას გამოასწორებენ.” – თქვა ცერცვაძემ.

სტატიების ნახვა შეგიძლიათ რუბრიკაში "ყველა სტატია"


Copyright © 2020-2024 by Stily. All rights reserved
×