ქართველი სტუდენტი ქეთა ბაღაშვილი, რომელიც აშშ-ში, ნიუ-იორკში მდებარე The New School-ში სწავლობს, სოციალურ ქსელში ლექტორზე წერს.
როგორც სტუდენტი აღნიშნავს, აღმოჩნდა, რომ 91 წლის ჩარლზ ვორნერი საქართველოშია ნამყოფი და ის ქართული სტუმარ-მასპინძლობითაც მოიხიბლა:
„დავიწყეთ გაზაფხულის სემესტრი. ჩემი ლექტორი, 91 წლის ჩარლზ ვორნერი, ვეტერანი მედია სპეციალისტი, რომელმაც შექმნა მედია მენეჯმენტის პროგრამა ჩვენს უნი-ში და რომლის წიგნითაც ვისწავლით ამ სემესტრში, პენსიაზე გასვლამდე ბოლო კლასს გვიკითხავს!
საქართველოდან ვარ-მეთქი რომ ვუხსენე, გაუხარდა, ნამყოფი ვარო და მომდევნო 5 წუთი ჩემს კურსელებს ქართულ სტუმარ-მასპინძლობაზე უყვებოდა.
ძაან საინტერესო სემესტრი მელოდება", - წერს ქეთა ბაღაშვილი სოციალურ ქსელში.