9 შვილის დედა ქეთევან მიქელაძე გორის მუნიციპალიტეტის სოფელ ქიწნისში ცხოვრობს. "ჩემი დედამთილი და მამამთილი მესხეთიდან არიან. ხილის მეურნეობა როცა იყო, მაშინ ჩამოვიდნენ და აქ გააგრძელეს ცხოვრება. მეც ახალციხიდან ვარ", - ამბობს ქეთევანი.
მისი შვილები არიან ნინიკო, გაბრიელი, თეკლა, ბარბარე, მართა, მიქაელი, მარიამი, იაკობი და ბართლომე ზაზაძეები.
"საქართველო მიყვარს ძალიან და მინდოდა, რომ საქართველოსთვის რაღაც ისეთი გამეკეთებინა. მივაღწიე და ჩემს სამშობლოს გავუჩინე ცხრა შვილი", - ამბობს 9 შვილის დედა.