საქართველოს პირველი ჩოგანი, ნიკოლოზ ბასილაშვილი სოციალურ ქსელში პოსტს აქვეყნებს და წერს, რომ პირად თუ კარიერულ დონეზე ურთულესი პერიოდი აქვს.

"ბოლო 3-4 წელია პირად თუ კარიერულ დონეზე ურთულესი პერიოდი მაქვს. მაწუხებს იდაყვის ტრავმა, რომლის გამოც მთელი ეს პერიოდი ტკივილის ფონზე ვთამაშობდი და საკუთარი შესაძლებლობების 50%-ს ვავლენ, ვკარგავ თავდაჯერებასა და სიამოვნების მიღების შესაძლებლობას. არ ვნებდები - ვაკეთებ ყველაფერს, რაც შესაძლებელია და მჯერა, რომ ვიპოვი გამოსავალს", - წერს ბასილაშვილი.