როგორც ირკვევა, მსახიობი მაკა შალიკაშვილი მეორედ დაქორწინდა, რასაც ექვსი წლის განმავლობაში მალავდა. მისი რჩეული ირაკლი ყაჭეიშვილია, რომელიც ბათუმის საზოგადოებრივ მაუწყებელში რეჟისორად მუშაობს. ახალგაზრდა კაცის მამა კი ჯგუფ "ინსაითის“ გიტარისტი გოჩა ყაჭეიშვილია.
მაკას მსახიობ რატი გოგუაძესთან პირველი ქორწინებიდან ერთი გოგონა ჰყავს. ირაკლი ყაჭეიშვილისთვისაც ეს ქორწინება მეორეა.
მაკა შალიკაშვილი პირველ მეუღლე რატი გოგუაძეზე 10 წლით უფროსი გახლდათ. ოჯახი მალე დაინგრა და მოგვიანებით ერთ-ერთ ინტერვიუში მაკა ამბობდა, რომ ბევრ რამეში საკუთარ თავს ადანაშაულებდა:
"28 წლის ასაკში გავთხოვდი. ჩემზე ბევრად პატარა ბიჭზე. არანაირი პრობლემა ჩემს მშობლებს ამაზე არ ჰქონიათ. იქით მხრიდან, ალბათ, იყო. რამ გააფუჭა ჩვენი ურთიერთობა? - ფინანსურმა მხარემ და იმან, რომ იმ პერიოდში მე ვიყავი არარეალიზებული, არ მქონდა ჩემი საქმე. მე არ ვარ ტიპი, რომელიც სახლში უნდა ჩაჯდეს. მე ვარ ადამიანი, რომელსაც უყვარს სოციუმი, ხალხი, ურთიერთობები. მაგრამ სხვანაირად არ გამოდიოდა, თინანო უნდა გამეჩინა, ფეხმძიმე კი ასეთი აქტიური ვერ ვიქნებოდი. მერე პატარა შვილი მყავდა და ვერ ვიგრიალებდი. ამან ხასიათი გამიფუჭა, ურთიერთობაც დაიძაბა. არ მქონდა გამოცდილება, რომ რაღაცები გამეტარებინა. ჩემს თავს ბევრ რამეში ვადანაშაულებ. მარტო ჩემი ბრალი არ არის, მაგრამ მეც შემეძლო რაღაცების შეცვლა" - თქვა მსახიობმა.
რაც შეეხება მეორე ქორწინებას, მაკა ირაკლი ყაჭეიშვილზე 13 წლით უფროსია. თუმცა ამ შემთხვევაში ქორწინებამ, როგორც ჩანს, დროს გაუძლო და უკვე ექვსი წელია ერთად არიან. საიდუმლოდ შენახულმა ამბავმა წყვილის ურთიერთობაზე მხოლოდ დადებითად იმოქმედა.