კომპოზიტორი მაიკო კაჭკაჭიშვილი სოციალურ ქსელში პოსტს აქვეყნებს და წერს, თუ როგორ იმოქმედა მასზე რობაქიძის ინსტიტუტში მიმდინარე გადაღებამ. საქმე იმაშია, რომ უნივერსიტეტმა სასწავლო პროგრამის ფარგლებში, სასწრაფო სამედიცინო მანქანების ჩართულობით საგანგებო მდგომარეობის ინსცენირება მოაწყვეს, ვინაიდან მოქალაქეებს ამის შესახებ ინფორმაცია არ ჰქონდა, ამან გარკვეულ წილად გაუგებრობა გამოიწვია.
„ვუჩივლებ რობაქიძის ინსტიტუტს, ასე გაუფრთხილებლად თურმე გადაღებაა და მე, და არამარტო მე, ამდენი ხალხი გვანერვიულეს. სახანძრო მანქანები, მინიმუმ 10 სასწრაფო, გაჰყავთ საკაცით სტუდენტები. კივილ-წივილი ვიფიქრე ბავშვები დაიღუპნენ, ჯერ კიდევ ვკანკალებ, ეს რომელ ნორმაში ჯდება ყველა დეტალში რომ დილეტანტები ხართ. თფუი, თქვენი განათლება რა ვთქვიი“, - წერს მაიკო კაჭკაჭიშვილი.