მსახიობი - რუსკა მაყაშვილი გადაცემა „გორგილაძის აუტანელი სიმსუბუქის“ სტუმარი იყო. მან რუსთაველის თეატრის დასის წევრობაზე ისაუბრა და აღნიშნა, რომ სპექტაკლებში აღარ ანაწილებენ.
მისივე თქმით, ხშირად „ბრაკავენ“ იმის გამო, რომ ძალიან პოპულარული და პაპსაა.
„თეატრისგან უფრო მეტს ველოდი, მაგრამ სამწუხაროდ, არ გამოვიდა. ჩემთვის ძალიან მნიშვნელოვანია თეატრი, მაგრამ ასევე მნიშვნელოვანია, რას გავაკეთებ იქ. სამწუხაროდ, არაფერი არ გამიკეთებია. მიუხედავად იმისა, რომ ეს ჩემი პროფესიაა, ვარ „რუსთაველის ეროვნული თეატრის“ დასის წევრი, დღემდე. ძალიან, სამწუხაროა, რომ არ მეძლევა არანაირი შანსი, რომ ჩემი სათქმელი ვთქვა.
სხვა თეატრებში ვთამაშობ სპექტაკლებს. რუსთაველში ისედაც დაძაბული ურთიერთობა მაქვს, ჩემი დის ამბების შემდეგაც, ასევე რაღაც პროტესტები მქონდა, ეს პროტესტები გამოვთქვი და ბევრი ვილაპარაკე. არ უყვართ ბევრს რომ ლაპარაკობენ, შეიძლება ეს ერთგვარი დასჯაც არის ჩემი, რომ სპექტაკლებში აღარ მანაწილებენ. შეიძლება გაცვეთილი სახე ვარ მათთვის და აღარ არის საინტერესო.
შარშან კინოს კასტინგზე მარტო იმიტომ თქვეს ჩემზე უარი, რომ რუსკა მაყაშვილი ვარ. პირდაპირ ვიტყვი, რომ მათთვის პაპსა მსახიობი ვარ და არ არის ეს საინტერესო“, - თქვა მსახიობი.