მსახიობისა და ტელეწამყვანის გიორგი გასვიანის მეუღლე მარიტა მელიქიშვილი სოციალურ ქსელში საკმაოდ აქტიურია. ხშირად აქვეყნებს ფოტოებს და ვიდეოებს.
ამჯერად ბავშვობისდროინდელი ფოტოები და სკოლის პერიოდის ვიდეოები გამოაქვეყნა, ასევე ორსულობის პერიოდის ამსახველი ვიდეოები. შემდეგ კი განმარტა, რას ეძღვნებოდა ეს რეტროსპექტივა.
"მოკლედ, ეს ყველაფერი დავდე იმიტომ, რომ ძალიან მომენატრა ის დრო, მართლა. მივხვდი, რომ კოვიდის მერე ისეთი ვეღარ ვარ, როგორიც ვიყავი.
ახლა პირიქით, ასოციალური გავხდი და ნაკლებ ხალხში მიყვარს ყოფნა (თქვენც ასე ხართ?).
ბევრს გონია, რომ ძალიან სერიოზული და "სტერვა" ვარ. მართლა სამწუხაროა, იმიტომ,
რომ ყველაზე მხიარული, ხალისიანი, კეთილი,
კომუნიკაბელური და მგრძნობიარე ადამიანი ვარ. უბრალოდ, ორსულობამ, მშობიარობამ, გათხოვებამ, პოპულარობამ, ამდენი ხალხის ყურადღებამ ჩემში ძალიან ბევრი რამის ცვლილება მოახდინა და ცოტა არეული ვარ.
მინდა იცოდეთ, რომ არასდროს გატყუებთ და ყოველთვის ისეთს გაჩვენებთ თავს, როგორიც ვარ.
მიყვარხართ...
ახლა დავფიქრდი და, 17 წლის ასაკში გავიცანი გიო, 18 წლის გავთხოვდი + ორსულობა, 19 წლისამ გავაჩინე, 20 წლის ვზრდი და კიდევ იმას ვამბობ, რომ არ ვსწავლობდე, ახლავე გავაჩენდი მეორეს-თქო. კიდე კარგად ვარ რა..."
რაც შეეხება გიორგის, ცოტა ხნის წინ ინტერვიუში ისაუბრა გვიან ასაკში დაოჯახებაზე, მარიტაზე და შვილის აღზრდაზე:
- ჩემს თავს ხანდახან ვაკვირდები - ხომ არ შევიცვალე, თუ ისეთივე გიორგი ვარ-მეთქი? მგონი, ისევ ისე მაინტერესებს ყველაფერი, როგორც მანამდე. ხანდახან მაქვს შეგრძნება, რომ არ მახსოვს ის პერიოდი, როცა დაოჯახებული არ ვიყავი. რომელ ასაკშიც არ უნდა შექმნა ოჯახი, ნებისმიერ დროს ხარ ბედნიერი. მთავარია, ბედნიერების ყოველდღიური განცდა შეგეძლოს. პატარა ასაკში რომ დავოჯახებულიყავი, როცა მეტი პრობლემა მქონდა, როცა პროფესიულადაც არ ვიყავი ჩამოყალიბებული და წესიერად სახლიც არ მქონდა, რადგანაც დევნილი ვარ, ალბათ უფრო გამიჭირდებოდა. ამიტომაც არ ვქმნიდი.
ჩვენი ურთიერთობა ვფიქრობ, ძალიან საინტერესოა, ერთმანეთისთვის ძალიან კომფორტული ადამიანები ვართ - ერთნაირად ვფიქრობთ, ერთნაირად ვაზროვნებთ. ეს ცოლ-ქმრის ურთიერთობაში ძალიან მნიშვნელოვანია. თავისუფლად და კარგად ვგრძნობთ თავს. საერთოდ ჩვენს ურთიერთობაში მეგობრობას და გულშემატკივრობას დიდი ადგილი უჭირავს.
ცოტა ხნის წინ მარიტა მაკა რაზმაძემ თავის გადაცემაში თავისუფალი წამყვანად მიიწვია და საინტერესო გადაცემები გააკეთა. ჟურნალისტიკაზე სწავლობს და მიუხედავად იმისა, რომ ჰყავს პატარა ბავშვი, გამოცდებშიც კარგ ქულებს იღებს. პროფესიულ ამბავში სულ ჩართულია და გარშემო პრაქტიკულ მაგალითებსაც ბევრს იღებს...
...რეპეტიციას და გადაღებას რომ მოვრჩები, მაშინვე სახლში მივდივარ და გალას ამბებში ვერთვები. ვფიქრობ, ამაში ოჯახის ყველა წევრი უნდა მონაწილეობდეს. ბებიას და ბაბუას თავის ენერგეტიკა აქვს, მაგრამ მშობლების გარეშე ეს ამბავი არ შეიძლება, რადგანაც მშობლებზე ბავშვი ენერგეტიკულადაა მიბმული. თუ მათ სიახლოვეს არ გრძნობს, მერე სხვანაირი პროტესტი ეწყება, რაღაცებში ცუდად უვლინდება. ამიტომ, ვფიქრობ, მაქსიმალური ჩართულობაა საჭირო".