გიო ხუციშვილის მეუღლე, მუსიკოსი მაია ჯორჯაძე პასუხობს ჟურნალ „სარკის" კითხვას, როგორ ცხოვრობს მეუღლის გარდაცვალების შემდეგ:
„იმდენად თავზარდამცემი და დამთრგუნველი იყო მისი გარდაცვალება, რომ ძალიან დიდი დრო დამჭირდა, რეალურად აღმექვა ეს ფაქტი. ვერაფერს იზამ ადამიანი, ცხოვრება გრძელდება და უნდა ისწავლო წამოდგომა, თან, როცა შვილს სჭირდება შენი ყურადღება, თანადგომა. მეც ვცდილობ, ჩემი ტკივილი გულში შევინახო, ვიცხოვრო ისე, როგორც გიოს მოსწონდა და ზუსტად ისე ვიდგე ზუკას გვერდით, როგორც გიოს გვერდით ვიდექი..." - ამბობს მაია ჯორჯაძე