სერიალი "ჩემი ცოლის დაქალები" დიდხნიანი პაუზის შემდეგ ბრუნდება. ამის შესახებ ტელეკომპანია "ფორმულას" გენერალურმა დირექტორმა, ზუკა გუმბარიძემ განაცხადა.
სერიალის დაწყების ზუსტი თარიღი უცნობია, თუმცა როგორც ტელეკომპანიის გენერალურმა დირექტორმა აღნიშნა ეს მალე მოხდება.
"ძალიან მალე ფორმულას ეთერში ჩემი ცოლის დაქალები ბრუნდება!", - განაცხადა ზუკა გუმბარიძემ.
ცნობისთვის, "ფორმულა კრეატივის" ერთ-ერთი ყველაზე პოპულარული პროდუქტი, "ჩემი ცოლის დაქალები", ტელეეკრანზე 2011 წლიდან გადის და 2022 წლის 2 ივლისის შემდეგ შეწყდა.