თორნიკე, იგივე თოშა ქებურია, საზოგადოების ყურადღების ცენტრში ხშირად ექცევა. ის მილიონერი ბიზნესმენის, ბუბა ქებურიას შვილია და თავადაც წარმატებული ბიზნესმენია. 2017 წელს თოშამ მოდელ ქეთი ჟღენტზე იქორწინა. თოშამ მომავალ მეუღლეს ხელი საფრანგეთში, კანის სანაპიროზე სთხოვა, მათი გრანდიოზული ქორწილის შესახებ კი მედია დიდი ხნის განმავლობაში წერდა.

წყვილს სამი შვილი ჰყავს. მესამე შვილი 14 იანვარს შეეძინათ. მოდელი ოჯახურ კადრებს სოციალურ ქსელში ხშირად ავრცელებს, განსაკუთრებით კი, უფროსი შვილების, კატერინასა და ბუბას ფოტოებს.

მეუღლისგან განსხვავებით, თოშა ქებურია სოციალურ ქსელებში აქტიურობით 

არ გამოირჩევა, თუმცა შვილებთან ერთად გადაღებულ კადრებს ხშირად უზიარებს გულშემატკივრებს.

ამჯერად, ქეთი და თოშა საბერძნეთში მოგზაურობენ და გულშემატკივრებს შვილთან ერთად გამოქვეყნებულ ფოტოებს უზიარებენ.