პირველი საუნივერსიტეტო კლინიკის ხელმძღვანელი ლევან რატიანი გადაცემაში „სხვა კითხვები" ლეტალურად დასრულებულ პირველ კოვიდპაციენტს იხსენებს და ჰყვება, როგორ განიცადა „პირველი მარცხი".
ყველაზე რთული დღე თქვენს ცხოვრებაში რომელი იყო? - ამ კითხვას ლევან რატიანმა ასე უპასუხა:
„პირველი ლეტალობის დაფიქსირება ჩემს კლინიკაში - ეს დღე იყო ჩემს ცხოვრებაში ყველაზე დიდი კოშმარი. ეს იყო ახალციხიდან გადმოყვანილი პაციენტი და დაიღუპა. სრული კრახი განიცადა ჩემმა კლინიკამ. ბოლო ხმაზე ვყვიროდი, მეგონა ამას მოჰყვებოდა არც ერთი გადარჩენილი სიცოცხლე, ასეთი განცდა იყო. ეს განცდა არ მინდოდა ჩამრჩენოდა და ბოლო ხმაზე ვყვიროდი, არა ყველა გადარჩება. აფთარი ვხდები, წყნარი არ ვარ როცა პაციენტის სიკვდილ-სიცოცხლეს ეხება საქმე, სხვა ლევანი ვარ".