ეროვნული ბიბლიოთეკის დირექტორი, გიორგი კეკელიძე სოციალურ ქსელში ძაღლის ფოტოს აქვეყნებს და წერს, რომ ის დღეიდან მარო მაყაშვილის ბაღში იცხოვრებს.
"გაიცანით, ეს ბიბია. ეროვნული ბიბლიოთეკის ახალი ბინადარი. ის დღეიდან მარო მაყაშვილის ბაღში იცხოვრებს. ბიბი ქუჩაში ვიპოვეთ, სახლში წავიყვანე, მაგრამ ჩემი მანამდე აყვანილი ჰასკი ვერ შეეგუა. საბოლოოდ გადავწყვიტეთ ბიბლიოთეკაში დაიდოს ბინა. დღეს ქუჩაში ასობით მიუსაფარი ძაღლია, კარგია, თუ ორგანიზაციები მოგვბაძავენ და მათაც ეყოლებათ საკუთარი "ტოტემები", - წერს ეროვნული ბიბლიოთეკის დირექტორი.
