2023 წლის 17 დეკემბერს, 89 წლის ასაკში დიდი ქართველი კინორეჟისორი ოთარ იოსელიანი გარდაიცვალა. ის ვაკის სასაფლაოზე მშობლების გვერდით გუშინ დაკრძალეს.
საზოგადოებისთვის ცნობილმა ზოგიერთმა სახემ, სოციალურ ქსელში სინანული გამოთქვა იმის გამო, რომ, მათი შეფასებით, რეჟისორი სათანადო პატივით არ დაკრძალეს.
მათ შორისაა ეროვნული ბიბლიოთეკის ხელმძღვანელი გიორგი კეკელიძე, რომელიც "ფეისბუქში" წერს:
"ოთარ იოსელიანი ისე დავკრძალეთ, სხვათა შორის. არადა, თითქოს რიტუალების და სიმბოლოების ქვეყანა ვართ, გამოსამშვიდობებელი კარნავალების - თორემ, ვის როგორ გაასვენებენ და მით უფრო, სად დაასაფლავებენ, ვერანაირად შეცვლის მის მეორე სიცოცხლეს, სიკვდილის შემდეგ რომ იწყება. არ მითხრათ ახლა, ოთარს ასე უფრო უხდებოდაო. ერთია, რა უხდება მას და მეორე - რა გვიხდება ჩვენ".