30 მაისს რუსეთში მცხოვრები ქართული წარმოშობის ბლოგერი, ინფლუენსერი და ფოტომოდელი მირანდა (მიმი) შელია დაოჯახდა. თუმცა შელიას ქორწინება არანაკლებ საინტერესო აღმოჩნდა მედიისთვისაც, რადგან ქალის რჩეული რუსი მილიარდერის შვილიშვილი გრიგორი (გრიშა) მამურინი აღმოჩნდა.წყვილის ხელისმოწერის ცერემონიალის შემდეგ მედიაში გაჩნდა საინტერესო სათაურები:
"ფიოდორ სმოლოვას ყოფილი შეყვარებული ცოლად მილიარდერის შვილიშვილს გაჰყვა..."
"როსტოველმა მოდელმა მილიარდერის ვაჟზე იქორწინა..."
"მილიარდერის შვილიშვილმა ცოლად 6 წლით უფროსი ქალი მოიყვანა".
მირანდასა და გრიშას შორის სხვაობა ნამდვილად 6 წელია. 28 წლის მოდელის მეორე მეუღლე 22 წლის ბლოგერია. რუსულ მედიაში ვკითხულობთ, რომ წყვილის გასაიდუმლოებული რომანი შოკისმომგვრელი აღმოჩნდა შელიას "ინსტაგრამის" მილიონამდე მიმდევრისთვის. მილიარდერის ახალ რძალს ხელმოწერის ცერემონიალზე ტომ ფორდის ძვირად ღირებული კაბა და ფეხსაცმელი ეცვა. საყვარელმა მამაკაცმა კი რჩეულს „კარტიეს“ ფირმის ძვირად ღირებული საქორწინო ბეჭედი აჩუქა. მირანდას რჩეული გარდაცვლილი რუსი მილიარდერის, იგორ ნეკლიუდოვის შვილიშვილია.
თავად გრიგორი მამურინი "ცნობილი გახდა" 16 წლის ასაკში, როდესაც გორკის პარკში გადაღებულ მის ერთ-ერთ ბლოგზე გამვლელებს ფულის სანაცვლოდ არასტანდარტულ დავალებებს აძლევდა - მაგალითად, უნდა მიერთმიათ გაფუჭებული საკვები, ნაგავი, დაელიათ საკუთარი შარდი.
ამ სკანდალის შემდეგ ბაბუამ იგი ხაბაროვსკში დააბრუნა და მისი განმეორებითი განათლება გადაწყვიტა. რის შემდეგაც დიდი ხანი უცნობი იყო, რას საქმიანობდა გრიშა.
რაც შეეხება მირანდას ცხოვრებას, მას შემდეგ რაც ქართველ ფეხბურთელ გიორგი ჭანტურიასთან მოკლევადიანი ქორწინება დაასრულა, მისი შემდეგი რჩეული რუსი ფეხბურთელი ფიოდორ სმოლოვი გახდა. თუმცა, აქაც მალევე დასრულდა ურთიერთობა. რაც შეეხება გრიშა მამურინის პირად ცხოვრებას, როგორც რუსულ მედიაში ვკითხულობთ, მისი მეგობარი გოგონა დიანა მელისონი გახლდათ, რომელიც არანაკლებ სკანდალურია მასზე.