მომღერალი, მარიამ როინიშვილი გადაცემას „მხოლოდ ლელასთან" შვილთან, ელენესთან ერთად სტუმრობდა. მთავარი თემა, რაზედაც სტუმრებმა ისაუბრეს დედასა და შვილს შორის ურთიერთობას შეეხებოდა.

როგორც მარიამ როინიშვილმა აღნიშნა, აღზრდის პროცესში მისთვის ყველაზე მნიშვნელოვანია შვილს ასწავლოს, რომ სხვა ადამიანებს გული არ ატკინოს.

„ყველაზე მეტად რაც მინდა, ადამიანებს არ ატკინოს გული, ეს არის ურთულესი რამ, თითქმის წარმოუდგენელიც, მაგრამ თუ შეეცდება, რომ საკუთარი თავი გააკონტროლოს, მგონია, რომ იმაზე დიდი ბედნიერება არ არსებობს, როდესაც იცი, რომ ადამიანებს კი არ ტკენ, არამედ აბედნიერებ... სასჯელიც არ არის იმაზე დიდი, როდესაც იცი, რომ შენ ვიღაცას ატკინე"